Loblaw kumita ng $13.58B noong Q1, habang nag-boycott ang ilang kostumer

Sinabi ng kompanya na ang retail segment sales ay tumaas ng 4.4 porsyento sa $13.29 bilyon. Ang food retail sales ay tumaas ng 3.4 porsyento, habang ang kanilang drug retail sales sa ilalim ng banner ng Shoppers Drug Mart ay tumaas ng apat na porsyento.

Ang earnings per share ay nasa $1.72 on an adjusted basis, isang increase na 11 porsyento, ayon sa kompanya.

Sinabi ng isang grupo ng shoppers na sila ay punong-puno na sa grocery prices ng kompanya na mula Miyerkules ay sinabing sisimulan nila ang pagbo-boycott sa retailer at sa kanilang offshoot brands, kasama ang No Frills, Provigo at City Market.

Ang grupo sa Reddit, na may subreddit forum na tinatawag na Loblaws is out of control, ay kasalukuyang may 62,000 na miyembro. Hindi alam kung ilang tao ang lalahok sa boycott.

Ang kompanya ay "acutely aware" na kailangan nilang mapanalunan ang pagtangkilik ng mga kostumer bawat araw, sulat ng isang tagapagsalita sa pahayag na ibinigay sa CBC News Martes ng gabi.

Ang huling ilang taon ay mahirap para sa Canadians, at patuloy nating gagawin ang ating makakaya upang labanan ang inflation sa aming mga tindahan, ayon sa tagapagsalita.

Tungkol naman sa online boycott, sinabi ng tagapagsalita na "napapansin ng mga kostumer, na marami ang bumibisita sa aming mga tindahan at marami ang nagkokomento sa parehong Reddit groups na nakakakuha sila ng real value sa aming mga tindahan, madalas ang pinaka-the best sa industriya."

Début du widget Widget. Passer le widget ?

Fin du widget Widget. Retourner au début du widget ?

Isang artikulo ni Jenna Benchetrit (bagong window), CBC News na isinalin sa Tagalog ni Catherine Dona.